Centar.mk – Вести, бизнис, забава, спорт…
МАКЕДОНИЈАИЗБОР

Сончево и топло со температура до 37 степени

Времето ќе биде сончево и топло со мала до умерена локална облачност. Попладне во планинските подрачја ќе има услови за ретка појава на краткотраен дожд. Ќе дува слаб до умерен ветер од северозападен правец.

Утринската температура ќе се движи од 12 до 21, а дневната од 29 до 37 степени, информира УХМР.

Во Скопје сончево со мала до умерена облачност и слаб до умерен северен ветер. Утринската температура ќе спушти до 17, а дневната ќе достигне 35 степени.

Утре и в сабота во попладневните часови ќе има развој на нестабилна облачност со локален пороен дожд, грмежи и засилен ветер. В сабота на места процесите ќе бидат поинтензивни. Во почетокот на наредната седмица се очекува сончево и многу топло време.

ТЕМАМАКЕДОНИЈАТОП ВЕСТИ

Ќе има ли рестриктивни мерки?

ДЕСК

Во земјава во моментов има 4.043 активни случаи на коронавирус, откако вчера беа потврдени 137 новозаразени.

Според податоците на Министерството за здравство, досега како последица на вирусот починале 442 лица, а оздравени се 5,071 од вкупно 9.547 заразени од почетокот на пандемијата.

Министерот за здравство, Венко Филипче изјави дека ситуацијата е под контрола и нема потреба од рестриктивни мерки.

„Засега нема најава за нови дополнителни рестрикции, нема индикација, или пак, кој било параметар да укажува дека ситуацијата се влошува. Ситуацијата е стабилна, епидемиолошката состојба ја имаме целосно на увид“, вели министерот.

Во моментов во болниците низ државата хоспитализирани се 400 пациенти. Во однос на тоа, министерот смирува дека бројот е константен подолг временски период. Тој рече дека состојбата се менаџира соодветно и епидемиолошката состојба ја имаат целосно на увид.

Досега во земјата се направени вкупно 89.703 тестирања на ковид -19.

✖