„Антикорупциската комисија најави дека ќе го проверува имотот на сите судии. Ќе се прави ревизија на пет отсто од пресудите, по случаен избор. Секое застарување на предмет ќе значи разрешување на судија. Сите овие чекори ќе придонесат да создадеме независно судство. И тоа мораме да го направиме.“- коментираше Мила Царовска, носителката на листата на СДСМ во првата изборна единица, заедно со министерот за надворешни работи, Никола Димитров.
Таа објасни дека во следниот мандат СДСМ ќе се посвети на реформи во правосудството за да се воведе правда, ред и дисциплина.
„Ние покажавме што значи контролен механизам, тоа е антикорупциската комисија, сега и Судскиот совет мора да се професионализира за да можеме да имаме неазвинси и професионални институции, а сето тоа ни е неопходно за влез во Европската Унија.“- дополни Царовска.
Сите очекувања на граѓаните, според Царовска, се фокусирани кон иднината и затоа гласачите ќе изберат европска иднина.
