Полициско возило и автомобил со мигранти се судриле на автопатот Скопје – Куманово. Возачот на автомобилот со мигрантите избегал, а во несреќата нема повредени.
Според информациите на МВР, вчера во 19:50 часот било пријавено дека на автопатот Скопје – Куманово, кај наплатната рампа Романовце, се случила сообраќајна незгода помеѓу „рено меган“, сопственост на МВР, управувано од полициски службеник, и автомобил „фолксваген пасат“, со тетовски регистарски ознаки, управувано од непознат возач.
По незгодата, возачот на возилото избегал, а во возилото биле пронајдени осум мигранти од Пакистан.
