Вицепремиерот Бујар Османи денеска предупреди дека бројката на новозаразени е уште повознемирувачка и апелира да се почитуваат мерките на претпазливост.
„Можноста да се биде позитивен или да се биде во контакт со некој кој е позитивен во последниве неколку денови е многу голема. Затоа апелирам да се однесувате како да сте позитивни или како да е позитивен секој со кого што контактирате. Не треба многу за да се заштитите: не верувајте им на теориите на заговор, маската ја намалува трансмисијата за 79%, не предизвикувајте смрт на вашите роднини“, напиша Османи на својот профил на Фејсбук.
Во П.С. тој напиша: Денеска бројката е уште повознемирувачка!
