Секогаш во средиштето на збиднувањата...

Добра вест: Поевтинуваат горивата

фото Pixabay

Регулаторната комисија за енергетика и водни услуги на Република Северна Македонија донесе одлука за намалување на малопродажните цени на нафтените деривати во прoсек за 0,69 % во однос на малопродажните цени на нафтените деривати утврдени согласно одлуката од 26.05.2020 година.

 

Од вечерва на полноќ малопродажните цени на ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) се намалуваат за 0,50 денар/литар и ќе изнeсуваат:

ЕУРОСУПЕР БС-95  57,00 ден/лит, за ЕУРОСУПЕР БС-98  59,00 ден/лит, за ЕУРОДИЗЕЛ (Д-Е V) 49,00 ден/лит.

 

Малопродажната цена на Екстра лесното масло за домаќинство (ЕЛ-1) останува на исто ниво како и во одлуката од 26.05.2020 година и ќе изнесува 37,50 ден/лит.

 

Малопродажната цена на мазутот М-1 НС се намалува за 0,167 ден/кг и ќе изнесува 23,260 ден/кг.

 

 

Од 02.06.2020 година максималните цени на  нафтените деривати ќе изнесуваат:

 

Моторен бензин                       ЕУРОСУПЕР БС – 95                            57,00 (денари/литар)

Моторен бензин                      ЕУРОСУПЕР БС -98                             59,00 (денари/литар)

Дизел гориво                           ЕУРОДИЗЕЛ БС (Д-Е V)                       49,00 (денари/литар)

Масло за горење                      Екстра лесно 1 (ЕЛ-1)               37,50 (денари/литар)

Мазут М-1 НС                                                                                                                                      23,260 (денари/килограм)

 

Напоменуваме дека ова се максималните цени на нафтените деривати од 00:01 часот на 02.06.2020 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Референтните цени на нафтените деривати на светскиот пазар во споредба со изминатиот седумдневен период бележат намалување и тоа кај бензинот во просек за околу 1,89%, кај дизелот има намалување во просек за околу 2,594%, кај екстра лесното масло намалувањето е во просек за околу 0,264%  и кај мазутот намалувањето е во просек за околу 0,558% .

Во истиот период курсот на денарот во однос на доларот е понизок за 0,464 %.

Согласно Методологијата за формирање на цените, вклучени се сите овие влезни параметри и извршено е соодветно прилагодување.

Малопродажните цени на  ЕУРОДИЗЕЛ и ЕУРОСУПЕР БС – 95 во Северна Македонија се најниски во споредба со соседните земји и земјите од ЕУ (според https://ec.europa.eu/energy/data-analysis/weekly-oil-bulletin_en од 25.05.2020), што е видливо од следните табели:

 

Табела 1. Малопродажни цени на Еуродизел и Еуросупер БС-95

 

 Еуродизел (ЕУР)ЕУРОСУПЕР БС – 95 (ЕУР)
Северна Македонија0,7940,924
Австрија0,9831,006
Бугарија1,2001,190
Хрватска1,0501,090
Германија1,0501,220
Грција1,1101,350
Италија1,2561,367
Унгарија0,9770,946
Словенија0,9981,001

 

 

 

error: Соддржината е заштитена.