Премиерот Оливер Спасовски на својот Фејсбук профил објави дека за време на претстојниот празничен викенд полицискиот час ќе започне во недела во 11:00 часот и ќе трае до 05:00 часот вторник.
„Следејќи ја моменталната епидемиолошка состојба со Ковид-19, како и препораките на Комисијата за заразни болести, на денешната владина седница донесовме одлука за зголемена рестрикција на движењето на граѓаните за време на претстојниот празничен викенд“, пишува Спасовски.
Се забранува движењето на сите граѓани на целата територија на државата почнувајќи од недела, 24 мај, во 11:00 часот до вторник, 26 мај, до 05 часот.
Во сабота, на 23 мај, забраната за движење останува иста како и за сите други денови, од 19 часот до 05 часот наутро.
