Утре се уште ќе биде натпросечно топло, но попладне и во вечерните часови на повеќе места ќе биде нестабилно со пороен дожд, грмежи и засилен ветер, а ќе има услови и за појава на град.
Значително заладување ќе има во четврток, кога ќе преовладува облачно време со врнежи од дожд, особено претпладне. Ќе дува засилен северен ветер, па дневната температура ќе биде и за десет степени пониска во однос на денешната.
Од петок до недела времето ќе биде стабилно со умерен северен ветер и со пријатни дневни температури.
