– Имавме предизвик со еден непознат вирус. Го следевме тоа што ни доаѓаше од Кина, или од другите земји, рече министерот за здравство Венко Филипче при наеговото денешно обраќање.
– Презедовме мерки какви што никој во регионот не презеде, или ги презедоа подоцна
Ги организиравме институциите мултисекторски, и беше добро што почнавме рано.
После првиот идентификуван случај на крајот на февруари, превентицните мерки се пренесоа во мерки и протоколи во болниците каде што веќе беа подготвени капацитетите за да се активираат во оваа фаза.
Поставивме и мобилна болница и на тој начин двојно го зголемивме бројот на кревети во Клиниката за инфективни болести.
Сите превентивни мерки ги презедовме, како и дополнителните како надградба во смисла на рестрикции на движењето, на затворање на објектите од јавен карактер, обезбеди да не се рашири експоненцијалното ширење на вирусот.
Така воспоставивме контрола и максимално искористување на капацитетите во болниците. Дури и денеска ние не сме ги пополниле капацитетите во секоја одделна болница во Скопје и во сите други градови, рече министерот за здравство Венко Филипче.
