Секогаш во средиштето на збиднувањата...

Фифа препорачува да се откаже натпреварот Македонија – Косово

Светската фудбалска асоцијација (ФИФА) препорача сите интернациоинални мечеви закажани за март или април, вклучувајќи го и квалификацискиот меч за пласман на Евро 2020 помеѓу Македонија и Косово, да бидат одложени поради корона вирусот и потврди дека клубовите нема да бидат обврзани да ги пуштат фудбалерите за тие дуели.

Квалификациските мечеви во Јужна Америка и Азија кои требаа да се играат во овој период се веќе одложени, меѓутоа УЕФА уште не ги откажа плејоф мечевите за Евро 2020 во кои учествуваат 16 репрезентации, а дел од нив, вклучувајќи ја и Македонија веќе побараа одложување. УЕФА ќе има состанок во вторник, каде што најверојатно ќе биде донесена и оваа одлука.

„Мечевите претставуваат ризик за фудбалерите и за јавноста, и најверојатно ќе го уништат спортскиот интегритет на тие мечеви бидејќи дел од репрезентациите нема да може да ги постават своите најдобри фудбалери“, се вели во соопштението на ФИФА.

error: Соддржината е заштитена.