Жител на селото Ракитец на возраст од 67 години со тешки повреди бил пренесен во Клиничкиот центар Штип откако паднал од мотоцикл на локалниот пат меѓу селата Долно и Горно Липовиќ.
Како што информираат од МВР, настанот се случил во попладневните часови на 12 февруари, на местото викано Дебела Бандера, а 67-годишникот управувал мотоцикл „шерк 110“ без регистарски ознаки и во еден момент паднал на коловозот.
На местото на настанот бил извршен увид од екипа од Полициската станица Радовиш./Makfax
