Притвор од 30 дена му е определен на жител на кичевското село Жубрино, кој е осомничен за убиство на маж кому му влегол дома за да го ограби.
„Поради постоење основи на сомнение за сторено кривично дело убиство, полицијата до надлежното Јавно обвинителство поднесе кривична пријава против Ш. Љ. (40) од кичевското село Жубрино. Нему му е одредена мерка притвор во траење од 30 дена“, соопшти МВР.
Пријавениот, во периодот од 26 до 28 јули 2019 година, насилно влегол во куќата на Б. Б. (67) во селото Црвевци и со употреба на дрвени предмети и со физичка сила го нападнал. Од добиените повреди Б. Б. починал./Makfax
