Лидерите на двете најголеми партии од македонскиот блок, премиерот Зоран Заев и опозиционерот Христијан Мицкоски преку својата предизборна реторика им се обраќаат на точно определени таргет-групи. Заев кон неопределените кои можеби се разочарани од неговата влада, а Мицкоски на своите но и на поддржувачите на Груевски.
Ова е заклучокот на долгогодишниот новинар Љубиша Николовски, кој при своето гостување во „Утрински брифинг“ за „Слободен печат“, одговараше на прашањата околу предизборниот политички популизам.
-И Заев и Мицкоски имаат таргет на гласачи. Заев им се обраќа на неопределените кои можеби се разочарани од начинот на владеење. А СДСМ нема проблем со своите гласачи. Кај Мицкоски е малку поинаку, тој им се обраќа и на своите гласачи но и на оние меѓу нив кои се уште го идеализираат Никола Груевски. И тој е во момент ниту да расчисти со едните или со другите- вели меѓу другото Николовски за „Слободен печат“ во утринската емисија „Утрински брифинг“.
На политичарите, потенцира Николовски, кога им треба медиум лесно го наоѓаат, но потешко е да се добијат кога новинар ги бара за одговори.
НАЈЧИТАНО НА ИНТЕРНЕТ...
