Во емотивна исповед на денешниот панел на ЦИВИЛ, насловен како „Жртви на режимот – сведоштва и слики“, поранешниот сопственик на А1 телевизија, Велија Рамковски, раскажа за тортурата што ја доживувал.
-Груевски не беше задоволен како работат новинарите од телевизијата. Имавме повеќе судири со Груевски. Еднаш ми рече: „Луѓето умираат, спомениците ќе останат“. Во август 2010 година беше расцепот со него, а до крајот не уапсија цела фамилија.
-Само гробот е полош од затворот. Првите денови во Шутка не можев да дишам. Бев 27 месеци во Шутка. Секој ден имав претрес скоро саат и пол траеше претресот. Психолошка војна, истакна Рамковски.
-28 месеци не можев да ја видам Емел, мојата ќерка која беше во другата зграда од затворот. Намерно не ми дозволуваа да може да се видиме, бар преку прозорец. Се радував на судењата зашто само таму можев да ја видам сопругата и ќерката, додаде тој.
