Секогаш во средиштето на збиднувањата...

ВМРО-ДПМНЕ: За еден ден задолжени сме нови 300 милиони евра

Расипништвото на Зоран Заев и Нина Ангеловска ги чини граѓаните 914 милиони евра за три години, велат од ВМРО-ДПМНЕ утрово преку соопштение.

„Зоран Заев и Нина Ангеловска во само еден ден ја задолжија државата за нови 300 милиони евра. Со што вкупната сума за која ја задолжиле државата скокна на 914 милиони евра. Долгот порасна, а инвестиции нула. За цели 10 месеци од годинава власта реализирала само 40 проценти од предвидените капитални инвестиции, односно 36 отсто да не го направеа ребалансот“, нагласи ВМРО-ДПМНЕ во соопштението.

Од опозициската партија додаваат дека капитални инвестиции немало ниту лани, ниту годината пред тоа, но задолжувања имало.

„Вкупниот долг на Македонија со Заев како премиер стигна фрапантни 5 милијарди и 700 милиони евра.
Нема инвестиции, но има криминални тендери и партиски вработувања. Милионите земени на заем не се трошат за граѓаните, туку за партиската врхушка на СДСМ и луѓето покрај нив. Расипништвото мора да запре. По 12 април ќе следува одговорност за секој денар потрошен од народната каса, потрошен на сомнителен начин“, додава опозициската партија.

Во тренд…