Во Беровско денеска и утре ќе се спроведе дводневна вежба за симулација на појава на болеста африканска свинска чума.
Практичниот дел од симулацијата ќе се реализира на индивидуална фарма во село Русиново, на комерцијална фарма во село Умлена и на ловиште.
Ва теоретскиот дел, пак, ќе се тестира координираноста на институциите и протокот на информации во врска со болеста, а тој ќе се одржи во Берово.
Вежбата во организација на Агенцијата за храна и ветеринарство (АХВ) и Организацијата за исхрана и земјоделство на ОН (ФАО) е дел од активностите на ФАО за помош на земјите од Балканот со цел да ги зајакнат своите капацитети за да одговорат на можна појава на африканска свинска чума.
Како што информираат од АХЦ, станува збор за опасна прекугранична болест кај животните за која не постои лек.
Вежбата ќе ја спроведуваат официјални ветеринари од АХВ, претставници од Факултетот за ветеринарна медицина и од приватни ветеринарни друштва, предводени од ФАО-експерти за здравствена заштита на животните.
Болеста во моментот не е присутна во земјата.
НАЈЧИТАНО НА ИНТЕРНЕТ...
