Шилегов објави видео од безбедносните камери: „Чудни сили“ решиле ноќеска да направат обид за демолирање на кровот на ГТЦ

Градоначалникот на Скопје, Петре Шилегов, на Фејсбук објави видео на кое се гледа обид за демолирање на зелениот кров на ГТЦ.

-Во текот на вчерашниот ден го најавив завршувањето на зелениот кров на ГТЦ и види чудо, одеднаш, некои “чудни сили” решиле ноќеска да направат обид за негово демолирање.

Сторителите се фатени на дело, приведени и предадени во полиција. Јас, заедно со Вас почитувани, ќе бидам упорен во борбата за овој град да стане поубав и попристоен, а “чудните сили” нека тераат. Осудени се на пропаст. – напиша Шилегов на Фејсбук, објавувајќи и видео од настанот.