Магловито време со повремени врнежи од дожд

Времето денеска ќе биде променливо облачно со појава на магла и ниска облачност по одделни котлини.

Во јужните подрачја ќе има повремен локален дожд, кој во текот на ноќта ќе се прошири и во западните делови. Дневната температура ќе биде во интервал од 11 до 15 степени, јави УХМР.

Во Скопје времето ќе биде претежно облачно, во ноќните часови со слаб дожд. Дневната температура ќе достигне до 13 степени.