Додека ВМРО-ДПМНЕ е заглавена во деструктивната матрица на Груевски, ние чекориме напред, рече заменик претседателката на СДСМ, Радмила Шекеринска на денешната граѓанска трибина на СДСМ во Ресен.
-Додека тие трошеа на споменици ние изградивме 500 километри патишта, тие градеа статуи ние рехабилитиравме и изградивме 43 градинки, тие зголемуваа казни ние ги зголемуваме платите, тие ги плашеа пензионерите ние ги зголемуваме пензиите, тоа разликата во концептите на ВМРО-ДПМНЕ и СДСМ, тоа причина зашто реформите на СДСМ се на прав пат, рече Шекеринска.
Таа потсети на 11 годишната изолација за време на режимот на ВМРО-ДПМНЕ додавајќи дека Мицкоски и ВМРО-ДПМНЕ се уште се во антиевропскиот блок.
11 години ВМРО-ДПМНЕ го држеше нашиот кандидатски статус за ЕУ во мртва точка. Згора на се само тие се радуваа на историската грешка на ЕУ. Дури и претседателот на Франција, Макрон призна дека нема вина кај нас, дека се работи за внатрешна работа во Унијата, само Мицкоски и ВМРО-ДПМНЕ остонаа во антиевропскиот блок, истакна заменик претседателката на СДСМ, Радмила Шекеринска пред огромниот број присутни ресенчани и ресечанки.
