Секогаш во средиштето на збиднувањата...

СДСМ: Само Мицкоски се радува на блокадата, затоа граѓаните ќе го казнат на изборите на 12 април

-Целиот европски демократски свет призна дека ЕУ направи историска грешка со тоа што Република Северна Македонија не доби датум за отпочнување на преговори, соопшти денеска СДСМ.

„И додека сите светски лидери потенцираа дека нашата држава испорача се што требаше да направи и спроведе реформи за да добие датум за преговори, Христијан Мицкоски во интервју за весникот Вечерњи лист испраќа порака дека „Макрон бил во право кога не блокирал“.
Тоа е срамна и антидржавна изјава на Мицкоски. Тоа е понудата на Мицкоски за обнова на режим и враќање назад во темно минато, изолација, сиромаштија и неизвесна иднина.

Со таква понуда на обнова на режим, криминал и враќање назад, Мицкоски и ВМРО-ДПМНЕ можат да се надеваат само на убедлив пораз на 12ти април.“ – се вели во соопштението.