Револтиран поради ненајавеното отсуство на обвинетиот Илија Димовски, судијата Осман Шабани на денешното рочиште го опемени пратеникот дека ова е последно негово отсуство што судот го толерира.
-Ваква неодговорност нема да толерирам. Никогаш во животот веќе да не се осмелил. Илија Димовски нека заборави за одлагање. Не НАТО, не ЕУ, не Св. Апостол Павле да го бара, во иднина нема одложување, ова е неодговорно, реагираше судијата Шабани.
Одбраната на Димовски кажа дека тој е отсутен поради службени обврски во Собранието, но судијата реагираше дека за тоа не бил известен судот. Следното рочиште е закажано за 13 ноември.
Случајот „Талир“ се однесува на сомнежите за незаконско финансирање на ВМРО-ДПМНЕ.
ПОПУЛАРНО НА ИНТЕРНЕТ...
