Веќе од 2020 година вработените во јавниот сектор и правосудството ќе добиваат К-15 и јубилејни награди.
Ваква одлука падна по договорот меѓу синдикатот на УПОЗ и Министерството за информатичко општество и јавна администрација и ќе стои во гранковиот колективен договор за секторот кој треба да се потпише за две недели.
Ваквата информација ја соопшти денеска претседателот на УПОЗ, Пеце Грујовски на потпишувањето на колективниот договор на ниво на работодавач во Агенцијата за катастар.
„Министерот за информатичко општество, Дамјан Манчевски деновиве треба да се произнесе околу предлогот за висината на К-15 по што ќе биде потпишан гранковиот колективен договор. Очекувам за две недели да ставиме потпис на Договорот“, вели Грујовски.
