И Груевски велеше дека е за ЕУ и НАТО, ама правеше сѐ за да не оддалечи од тие процеси, рече претседателот Зоран Заев, во интервју за емисијата „360 степени“, што се емитува на телевизијата Алсат-М, на прашањето зошто се оди на предвремени избори ако сите политички партии на лидерската средба кај Претседателот Пендаровски се согласиле дека сите се за членство во ЕУ и НАТО.
„Ако на избори граѓаните го дадат гласот за Зоран Заев можат да бидат сигурни дека нема отстапување од тој пат, од нашето членство во ЕУ и НАТО. Тоа ние го докажавме во изминатите две години и 4 месеци. Ако го изберат патот на Мицкоски, ќе добијат декларативни ветувања за ЕУ и НАТО, а вусшнот прават сѐ за да ги запрат овие процеси. Што друго може да се очекува кога првите луѓе на ВМРО-ДПМНЕ велат дека ќе најдат начин да го поништат Договорот од Преспа. Што значи тоа освен блокирање на нашето членство во ЕУ и доведување во опасност на нашето членство во НАТО што е веќе завршена работа. Тоа веднаш ќе ги отвори болните прашања со нашите соседи, Грција пред се’, а потоа и Бугарија. Ваквите политики ако добијат мандат на изборите, ќе донесат блокада на нашето членство од овие наши соседи. Освен тоа, таквите политики ќе отворат процеси и во трети земји и појава на меѓуетнички тензии во државата“, додаде претседателот Заев на ова прашање.
Во продолжение тој истакна дека Северна Македонија веќе се препознава како општество без меѓуетнички односи и дека за тоа е доволно е да се погледне амбиентот на јавните настапи, настани и манифестации што ги организира или на кои е поканета владата, каде што се искажуваат почит и одобрување кон актуелните политики.
„Тое што Мицкоски вели дека го гушкале претставници на Албанците во Гостивар, бездруго мисли на Таравари и на членовите на неговиот тим со кој ВМРО-ДПМНЕ има коалиција во локалната самоуправа. Тешко е дека така лесно се заборава наративот на ВМРО-ДПМНЕ во однос на Албанците“, рече во интервју за емисијата „360 степени“ претседателот на СДСМ и премиер Зоран Заев.
