Во тешката сообраќајка во која загина едно лице, а повредено беше уште едно што се случила во 4 и 20 часот утрово на магистралата Струмица – Радовиш, кај селото Радишево почина 19 годишна девојка.
Според информациите на полицијата несреќата се случила меѓу возило марка фолсфаген со бугарски таблички, а било управувано од 31 годишниот струмичанец Ф.Д. и камион марка даф со радовишки табли, управуван од 44 годишен радовишанец.
Во несреќата починала 19 годишната С.Т. од Струмица, додека возачот Ф.Д. заработил тешки повреди и бил итно транспортиран во скопскиот клинички центар.
Во извлекувањето на повредениот и настраданата девојка учествувале и пожарникари од Струмичката противпожарна единица.
