Вестите на интернет страницата Centar.mk може да се користат исклучиво за лично информирање. Забрането е превземање без писмена дозвола на редакцијата. Забрането е секакво ре-емитување на текстовите, фотографиите и видеата објавени на оваа страница без посебна писмена дозвола добиена по електронска пошта од contact@centar.mk. Со праќањето на mail до contact@centar.mk, како и другите официјални мејлови ги предавате правата за слободно објавување кон Centar.mk (на веб адресите www.centar.mk,p на сите текстови, фотографии и други мултимедијални содржини кои се содржани во мејловите, како и оние кои содржат дополнително прилог (attachment).
Филипче: Ги укинавме квотите за лекови и го унапредуваме здравството, на прав пат сме
Ги укинавме квотите за лекови, го унапредуваме здравствениот систем, на прав пат сме, изјави на прес-конференција во СДСМ, министерот за здравство, Венко Филипче, кој е и претседател на Комисијата за здравство на владејачката партија.
Тој рече дека од почетокот на месецов, граѓаните имаат достапни лекови во кој било период.
„Целосно ги укинавме квотите за лекови на рецепт во аптеките ширум целата држава. Владата предводена од Социјалдемократскиот сојуз овозможи достапни лекови за пациентите во секое време. Мерката што ја најавивме во нашата изборна програма веќе е реалност, обезбедувајќи квалитетни здравствени услуги и лекови согласно потребите на граѓаните. СДСМ е одговорна политичка партија затоа што го решаваме деценискиот проблем со недостатокот на лекови“, оцени Филипче.
Тој потсети дека во август почнала првата фаза од укинувањето во аптеките во Охрид, Ресен, Струга, Дојран и Гевгелија. Граѓаните на овие туристички места, рече Филипче, имаат редовен пристап до лекови во текот на целиот месец. Тие повеќе немаат страв дека може да останат без потребниот лек.
Министерот на прес-конференција истакна дека досега се подобрени условите во десетина јавно-здравствени установи, а следува подобрување на условите во други 34 ЈЗУ.
„За две години повеќе од 5000 согласности издадовме за вработување, а ги зголемуваме и платите на здравствените работници. Водиме вистинска грижа за пациентите со ретки болести. Воведовме 5 нови лекови за овие лица и значително го зголемивме буџетот. Од 213 милиони денари, на 485 милиони денари. Воведовме три нови инсулини. Дијабетичарите сега имаат обезбедени лекови со сертификат за квалитет, а до пред 2 години, тие добиваа лекови без сертификат за квалитет и без никаков ефект“, додаде Филипче.
