МВР соопшти дека во текот на вчерашниот ден биле казнети речиси 200 возачи во Скопје.
Во периодот од 6 до 24 часот, била спроведена акциска контрола за откривање на возачи кои ја пречекориле брзината на движење, пришто санкционирани се 43 возачи. Откриени се и 46 останати прекршоци за кои се издадени 16 мандатни платни налози и 30 прекршочни платни налози, информираат од МВР.
Одделението за безбедност на сообраќајот при Секторот за внатрешни работи Скопје утрово спроведе акциска контрола за откривање на возачи кои управувале со возило под дејство на алкохол на подрачјето на Скопје. Притоа санкционирани се 25 возачи кај кои било утврдено присуство на алкохол. Откриени се и 33 останати прекршоци за кои се издадени 21 мандатен платен налог и 12 прекршочни платни налози.
Вчера биле санкционинрани и 14 возачи на мотори, а откриени се и 28 останати прекршоци за кои се издадени 21 мандатен платен налог и седум прекршочни платни налози.
