1,2 милиони денари е износот кој му бил исплатен на лидерот на ВМРО ДПМНЕ, Христијан Мицкоски, за неговиот ангажман како советник во кабинетите на тогашните премиери Никола Груевски и Емил Димитриев. Според документите со кои располага порталот “Криминалите на ВМРО-ДПМНЕ”, Мицкоски бил ангажиран од Владата на Никола Груевски како советник за енергетика, со решение број 08-1310/1 од 15ти април 2015 година до октомври 2016 година.
Во тој период, освен за два месеци, месечниот надомест кој му бил исплаќан е 68.363 денари или 1.100 евра, пишува kriminalitenavmrodpmne.wordpress.com
За само 1 и пол година, Мицкоски од позицијата советник во Владата на Груевски заработил 20.000 евра. Во периодот кога Мицкоски е советник на Груевски за енергетика, беше укината ефтината тарифа на струјата, цената на електричната енергија поскапе за 100%, а државата целосно беше зависна од увоз на скапа електрична струја, пишува порталот.
