Обвинителката Фатиме Фетаи во изјава за новинарите пред денешното рочиште во врска со насилствата во Центар, рече дека исказот на Зоран Верушески кој рекол дека бомбите биле модифицирани и компромитирани нема да влијае врз постапките на предметите од СЈО.
„Според мене, не. Тоа не може да влијае на автентичноста на материјалите со кои располагаме, ниту на постапките. Станува збор за исказ што не е довршен“, рече Фетаи.
Обвинителката Фетаи најави и дека Зоран Верушески ќе биде уште испрашуван од странките во судот.
