18. септември 2025
Centar.mk – Вести, бизнис, забава, спорт…
БИЗНИСТОП ВЕСТИ

„Стандард и Пурс“ повторно го потврди стабилниот кредитен рејтинг на Северна Македонија

Агенцијата „Стандард и Пурс“ повторно го потврди кредитниот рејтинг на Република Северна Македонија ББ-, со стабилен изглед, соопшти Министерството за финансии.

„Стандард и Пурс“ очекува во следните месеци да отпочнат преговорите за членство во ЕУ, што би влијаело на забрзување на реформите и подобрување на институционалниот капацитет на земјата.

Кредитната агенција забележува дека економијата на Република Северна Македонија продолжува да расте и во текот на 2019 година (4,1% во прв квартал 2019), движена од растот на потрошувачката и инвестициите. Агенцијата проектира просечeн економски раст од околу 3% до 2022 година, поддржан од зајакнувањето на институционалните капацитети во рамки на процесот на пристапување во ЕУ. Буџетскиот дефицит се очекува да биде просечно околу 2,5% во периодот по 2019 година. Агенцијата го оценува јавниот долг како умерен во глобален контекст и оценува дека иако долгот ќе расте до 2022 година, понатаму ќе се стабилизира на ниво од околу 45%.

„Според Агенцијата, подобрување на кредитниот рејтинг може да следи со навременото имплементирање на реформите, зајакнување на институционалната поставеност и подобрување на економските перспективи. Од друга страна, враќањето на политичките тензии или забавувањето на темпото на реформи, можат негативно да се одразат врз кредитниот рејтинг“, се наведдува во соопштението.

Можеби ќе ве интересира

Градинарскиот центар „Фоја“ слави 20 години – за посетителите ќе има роденденски цени 

C +

Народната банка донесе мерки за олеснување на кредитирањето при купување прв стан

C +

Античкиот театар Аспендос во близина на Анталија ја собра светската оперска и балетска елита на 32 Меѓународниот фестивал за опера и балет

C +