Јавното обвинителство на Република Северна Македонија ќе го разгледа барањето на специјалната обвинителка Катица Јанева, којa е во притвор, за префрлање на сите истраги и предистражни постапки од СЈО во републичкото обвинителство.
„Денеска судија на претходна постапка од Основниот кривичен суд Скопје достави известување од Јавниот обвинител за гонење кривични дела поврзани и кои произлегуваат од содржината на незаконското следење на комуникациите, кое го примил преку КПУ Затвор Скопје- Скопје. Во известувањето се наведува дека Јавниот обвинител за гонење на кривични дела поврзани и кои произлегуваат од содржината на незаконското следење на комуникациите ги овластува јавните обвинители во тоа обвинителство кривичните предмети да ги предадат во Јавното обвинителство на Република Северна Македонија“, се вели во соопштението на ЈО.
