Министерството за образование и наука (МОН) да ја преиспита одлуката за одбивање на уписот на правчињата кои не доставиле документ за задолжителна вакцинација и да понуди решение коешто нема да го прекрши основното право на децата на образование, бараат од првата детска амбасада во светот Меѓаши.
Од таму истакнуваат дека на вториот ден од новата учебна година сите дојави на нивнот СОС-телефон за деца и млади се во врска со непримањето на првачињата за кои родителите не доставиле документација за уредно примени вакцини.
„Невакцинираните деца се под стрес и државата мора да им го овозможи правото на образование. Наместо радост за првиот училишен ден, тој за многу деца се претвори во кошмар“, нагласуваат од првата детска амбасада.
Посочуваат дека доколку проблемот со исклученоста на децата од образовниот систем не се реши, за оваа состојба на непочитување на правото на образование на секое дете, ќе ги информираат членовите на Комитетот за правата на детето при ООН и ќе побараат конкретни препораки за земјава, како држава која ја има потпишано и ратификувано Конвенцијата за правата на детето.
НАЈЧИТАНО НА ИНТЕРНЕТ...
