Маж додека работел на нива на патот кон скопското село Горно Оризари пронашол црна вреќа во која кога ја отворил имало женски труп.
Засега не е познат идентитетот на женското лице, телото по наредба на обвинител е дадено на обдукција во Судска медицина, а полицијата работи на расчистување на случајот.
Случајот во полиција мажот го пријавил вчера во 16.05 часот. Тој се легитимирал како вработен во Комунална хигиена, но вреќата со трупот ја пронашол, како што кажал во полиција, во близина на патот кон Горно Оризари, додека работел на нива.
