Денеска на овој голем ден, оддаваме почит кон нашите славни предци од Илинденското востание и од заседавањето на АСНОМ, кои што ги ставија темелите на нашата државност, изјави Генералниот секретар на СДСМ, Љупчо Николовски од пред споменикот „Македониум“ во Крушево.
„Како сериозна и одговорна партија, имаме чест и обврска, заедно со вас граѓаните, да го продолжиме тој пат, на слободата, демократијата, имтеграцијата и напредокот. Остануваме силно посветени на градењето на едно општество за сите граѓани. Остануваме силно посветени на нашите клучни цели, членство во НАТО и ЕУ. Нека е честит и вековит 2 Август, денот на републиката“, порача Николовски.
