Силно невреме погоди делови од Македонија. Според информации доцна попладнето во четвртокот и вечерта невреме беснееше во Скопје, но и во источниот дел на Македонија.
Невремето беше проследено со пороен дожд, град и силен ветер.
УХМР во своето метео предупредување најавува дека и во петок во попладневните часови на места ќе има пороен дожд и грмежи, а локално ќе има услови за појава на поинтензивни процеси во форма на невреме.
Потоа до вторник ќе преовладува претежно сончево и топло време.
