Три лица се повредени во сообраќајна несреќа во Тетово, кога „фолксваген голф” излетал од патот. Како што информира полицијата, синоќа во 23:55 часот на булевар „Видое Смилески-Бато“ во Тетово, Р.Р.(23) од Тетово, управувајќи патничко возило „фолксваген голф“ со тетовски регистарски ознаки, изгубил контрола и излетал од патот.
Во незгодата со тешки телесни повреди се здобил 15-годишен сопатник од с.Камењане, кој бил пренесен во болницата во Тетово. Со телесни повреди се здобиле сопатниците А.Б.(24) од с.Синиче и М.У.(24) од с.Вешала. Тие, исто така, биле пренесени во Клиничката болница Тетово за укажување лекарска помош. Увид на местото на настанот извршила увидна екипа од СВР Тетово.
