Лица кои не биле вработени во општината точеле гориво со дозвола на ексградоначалникот

Против ексградоначалникот на општина Василево В.С. поднесена е кривична пријава за несовесно работење во службата.

Како што јави МВР, во периодот од 2013 година до 2017 година пријавениот, како градоначалник на општина Василево, без претходна одлука на Советот на Општина Василево издавал решенија за трошоци за гориво за приватни и службени патувања на вработени и лица кои не биле вработени во наведената општина, со патнички возила кои не биле во сопственост на општината.

Со ова, пријавениот нанел штета од 303.900 денари на буџетот на општина Василево.