Го намалуваме ДДВ за парно греење од 18% на 5%, напиша премиерот Зоран Заев на својот фејсбук.
– Секое семејство, приклучено на централното парно греење со стан со просечна квадратура, ќе добива пониска сметка за околу 220 денари месечно, што е годишна заштеда од скоро над 2.600 денари.
Со оваа мерка сакаме да ги мотивираме граѓаните да не се исклучуваат од системот на централно парно греење во Скопје, а верувам дека ќе биде причина и да се вратат дел од оние 14.000 семејства кои се исклучиле од 2012 година до сега. Во исто време очекуваме да се приклучат нови 10.000 домаќинства.
Системот на парно греење нуди и најголема енергетска ефикасност, односно има најмала емисија на јаглерод диоксид, а се надеваме дека во скоро време сите граѓани на Република Северна Македонија ќе имаат можност да се приклучат на греење на гас.
Со ова сме чекор поблиску до остварување на целта – заштита на животната средина и повеќе пари за граѓаните, вели премиерот.
