Трагедија среде Скопје: Го прегазил сопствениот камион – возачот само излегол на раскрсница да провери колкаво растојание има

Едно лице на 52-годишна возраст (Љ.А) го загуби животот во несреќа што се случи на крстосница на булеварот Борис Трајковски во Скопје.

Лицето било прегазено од камион што претходно го управувал и починал на местото, соопшти МВР.

Според пријавеното, мажот заедно со сопатникот од Велес излегле од камионот да видат дали имало простор за возилото да помине по улицата. Во еден момент возилото се придвижило нанапред и со предните тркала го прегазило Љ.А, велат од полицијата.