Попладнево на автопатот Гостивар – Тетово, во близина на гостиварската наплатна станица, се случила сообраќајна несреќа меѓу „ауди А3“ управувано од 23-годишна гостиварчанка и „БМВ“ управувано од 59-годишен гостиварец, потврдуваат од МВР. Двајцата возачи, заедно со сопатничката која се превезувала со „аудито“ се пренесени во гостиварската болница, каде им е укажана лекарска помош.
Неофицијално според очевидци, „аудиото“ загубило контрола, а во тој момент возилото со марка „БМВ“ сакало да престигнува, по што удрило во „аудито“. Од фотографиите објавени на социјалните мрежи се гледа дека предниот дел од „аудито“ е целосно уништен, а делови се расфрлани на сите страни.
По наредба на јавен обвинител, СВР Гостивар извршиле увид на местото каде што се случила сообраќајката.
Пред два дена, на автопатот Гостивар – Тетово се случи сообраќајката меѓу двете кабини кај тетовската наплатна рампа, а животот го изгуби 51-годишна жена од Кичево.
