Заедничкиот кандидат за претседател на државата, Стево Пендаровски, денеска оствари средби со граѓаните на Сопиште и Студеничани.
Од неговиот штаб информираат дека Пендаровски на средбите ги потенцирал придобивките од избирањето напредок наместо изолација и, како што рекол, градењето пријателства наместо продолжување на споровите со соседите.
„Тргнавме напред, покажавме дека преку договор и пријателство ги отвораме вратите кон подобра иднина за сите граѓани. Решавањето на деценискиот спор со соседна Грција значи интеграции во ЕУ и НАТО, економски развој, европски перспективи, нови инвестиции, нови работни места, подобар живот за нас и нашите поколенија“, заклучил тој.
Пред граѓаните истакнакл дека стои зад концепт што нуди продолжување по вистинскиот пат, кој носи подобар живот за сите.
