Новинарот Томислав Кежаровски вечерва во Аеродром се обрати пред присутните граѓаните на митингот на СДСМ и претседателскиот канидидат Стево Пендаровски. Тој ја обвини опозицијата дека манипулира со слоганот „Нема правда, нема мир“.
-Се обидуваат да ја поганат Шарената револуција. Се обидуваат да манипулираат со слоганот „Нема правда, нема мир“. Она што во целост ги порази и на политички и на етнички план, тој пораз ги боли. Затоа што Македонија е шарена, а тие ја сакаат чиста. Шарената револуција покажа дека можеме да се бориме за исти цели, а тие тоа ниту го чувствуваа, ниту го разбираа. Претседателот мора да има свое мислење и став. Претседателот не смее да биде личност оптеретена со грешки и долгови од минатото. Не ни треба никој друг, туку Стево Пендаровски, рече Кежаровски.
