Грчкиот премиер, Алексис Ципрас, за време на посетата на Скопје, ќе го придружуваат претставници на над 70 компании, објави „АНА-МПА“.
Грчката новинска појасни дека делегацијата е поддржана од грчката компанија за инвестиции и надворешната трговија Enterprise Greece, а интерес за учество изразиле компании од енергетскиот сектор, градежништвото, индустриските производи и високата технологија, кои сметаат дека постои простор за инвестиции во Северна Македонија.
Ципрас денеска во Солун изјави дека грчките претприемачи би можеле да одиграат клучна улога во економскиот раст на нашата земја.
„Грчката економија има потенцијал да игра доминантна улога во економскиот раст на Северна Македонија, со важен и позитивен замав кој го креираше преспанскиот договор“, изјави Ципрас за време на состанокот со истакнати стопанственици од Грција, пренесе „АНА-МПА“.
Ципрас ги повика да ја воочат можноста што ја отворил преспанскиот договор. За време на посетата на Ципрас, ќе бидат потпишани билатерални договори во голем број области.
