На граничниот премин Јажинце во утринските часови на 25 јуни бил уапсен 53-годишник од Косово чиј автомобил имал фалсификуван сериски број.
Како што информираат од МВР, при контрола на автомобилот марка „фолксваген голф“ со косовска регистрација, што го управувал 53-годишникот, било костатирано дека серискиот број на возилото e фалсификуван.
Косовецот бил приведен, а возилото одземено. Подоцна, тој бил предаден во тетовската полиција.
НАЈЧИТАНО НА ИНТЕРНЕТ...
Министерството за внатрешни работи во текот на вчерашниот ден продолжи со засилените акциски контроли во областа на сообраќајот.
На територија на град Скопје во текот на вчерашниот ден изречени се вкупно 384 санкции, меѓу кои за возење без возачка дозвола 21 казна, за пречекорување на дозволената брзина на движење казнети се 138 возачи, а за нерегистрирани и технички неисправни возила казнети се 20 возачи.
Исто така, казнети се 20 мотоциклисти и одземени се три мотоцикли и еден четирицикл.
Полицијата напишала 88 казни за непрописно паркирани возила, 72 возила се подигнати со пајак, а изречени се и 66 санкции за неносење на заштитна маска.
„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.
НАЈЧИТАНО НА ИНТЕРНЕТ...
