Како што најави и премиерот Христијан Мицкоски пред изборите, можно е скоро да се очекуваат промени во владиниот кабинет.
Па така според порталот СДК.мк, засега се споменува незадоволство кај најголемата владејачка партија ВМРО-ДПМНЕ од двајцата министри од ЗНАМ – Игор Филков и Горан Минчев, особено од првиот кој е министер за правда.
Според САКАМ ДА КАЖАМ, премиерот Христијан Мицкоски не бил задоволен од работата и од некои свои министри, но не од економско-финансискиот ресор кој, како што стои во најновиот извештај на Европската комисија за Македонија, го уназадил системот со реформите и со финансиската дисциплина, туку наводно од министерката за образование.
Премиерот Мицкоски освежување на владата најави веднаш по распишувањето на Локалните избори, а падот од над 140.000 гласа дополнително мотивира да има промени во повеќе ресори во Владата, но и на важни директорски позиции.
