Шекеринска: Да не направиме нов владин систем кој нема да падне во замката на она што беше претходно – Видовме како еден човек одлучуваше по телефон за човечки судбини

Во вечерашното гостување на ТВ Телма на заменик претседателката на СДСМ, Радмила Шекеринска соопшти дека треба да се направи владин систем кој нема да падне во замката како што беше за време на режимот.

– Еден дел од прашањето е како да направиме нов Владин систем кој нема да падне во замката на она што било претходно, оти знаете многу поефикасно е, и многу владата ќе изгледа одлучна и ефикасна ако сите одлуки се сведуваат на еден човек и тој по телефон ќе одлучува за човечки судбини. Видовме како тоа изгледа, рече заменик претседателката на СДСМ, Радмила Шекеринска во емисијата ТОП ТЕМА на Телма телевизија вечерва.