Очаен е обидот на ВМРО-ДПМНЕ да манипулира со граѓаните, здравствените работници и пациентите, велат од владејачкиот СДСМ како реакција на прес-конференцијата на Димче Арсовски, кој повика министерот Венко Филипче да повлече сомнителен тендер за стерилизизација вреден над 13,7 милиони евра.
Според СДСМ, промената од досегашниот модел на функционирање и преминот кон јавно-приватно партнерство нема директно да ги засега пациентите во поглед на финансии, односно пациентите нема да имаат дополнителни трошоци.
„ВМРО-ДПМНЕ лаже дека ќе има отпуштања од работа на моментално вработените, напротив, не само што ќе нема, туку предвидени се нови, дополнителни вработувања, со плати на повисоко ниво до досегашното“, се наведува во партиската реакција во која се додава дека очајни се обидите на опозициската партија, реформите и унапредувањето на здравството да ги прикаже дека се на штета на граѓаните.
„Трошоците за стерилизација кои досега се издвојуваа од сметката на Фондот за здравство и беа исплаќани на паушално ниво кон болниците кои имаа потреба од стерилизација за хируршки интервенции, со воведувањето на принципот на јавно-приватно партнерство ќе бидат оптимизирани и контролирани, по број на реализирани стeрилизации, обновена опрема, дезинфекција и потрошен материјал“, појаснуваат од СДСМ истакнувајќи дека квалитетот на опремата што ќе се користи ќе биде зголемен, а сегашната опрема која е стара ќе биде сменета со нова.
НАЈЧИТАНО НА ИНТЕРНЕТ...
