Ѓорге Иванов денеска, на последниот работен ден пратил барање до Службата за општи и заеднички работи при Владата на Република Северна Македонија.
Во барањето кое било согласно она што му следува на секој екс-претседател, стои дека Иванов веќе пронашол канцелариски простор, кој во иднина ќе го плаќа државата.
Иванов најавил дека нема да се врати на професорката кариера, туку ќе ја користи можноста во улога на екс-претседател да ја користи пензијата која му следува во ист износ како и досегашната плата.
Покрај редовна пензија, Иванов ќе добие и канцелариски простор, платени тројца соработници, лично обезбедување, државно возило и возач.
Денеска е последниот работен ден за Ѓорге Иванов, а во недела ќе биде инаугуриран новиот Претседател Стево Пендаровски.
Засега е непознато дали во барањето тој го искористил новото Уставно име на земјава, Република Северна Македонија или пак и натаму продолжил да го користи старото име Република Македонија.
НАЈЧИТАНО НА ИНТЕРНЕТ...
