Додека министерот за здравство, Венко Филипче, работи за кампањата на Стево Пендаровски морбилите се проширија низ целата територија на државата, изјави Маја Славева од ВМРО-ДПМНЕ.
„Каде беше Филипче четири месеци со мерките за спречување на ширењето на морбилите? Каде беа мерките да се спречи ширењето на болеста помеѓу вработените во здравствените институции, да се провери дали негувателките и воспитувачките во предшколските установи биле вакцинирани? Дали е вистина дека нема вакцини во болниците во Кичево и Кочани? Кој ќе понесе одговорност за новите заразени во овие градови? На ова Филипче требаше да мисли многу порано“, рече Славева.
Опозицијата смета дека неспособноста и лошото менаџирање во здравство резултирале со жртви. ВМРО-ДПМНЕ повтори дека антивакциналната кампања која ја водел СДСМ ѝ се удрила од глава на Владата.
„Веќе неколку трудници ги изгубија своите бебиња затоа што власта е неодговорна. Венко Филипче мора да си замине. Животот на граѓаните нема цена“, додаде Славева.
НАЈЧИТАНО НА ИНТЕРНЕТ...
