Европскиот парламент одобри нов закон со кој се забрануваат пластични предмети за еднократна употреба, како што се чинии и прибор за јадење или сламки за пиење. 560 пратеници гласаа за договорот постигнат со министрите на ЕУ, 35 беа против,а 28 воздржани.
Како што е наведено во изјавата, следните производи од 2021 година ќе бидат забранети во ЕУ:
– садовите за еднократна употреба (вилушки, ножеви, лажици и стапови за јадење)
– пластични чинии за еднократна употреба
– пластични сламки
– спапчиња за чистење уши од пластика
– пластични стапчиња за држење на балони
– оксоразградлива пластика и контејнери за храна, како и чаши со експондиран полистирен
Според податоците на Европската комисија, повеќе од 80% од морскиот отпад е пластика. Производите опфатени со овој нов закон сочинуваат 70% од сите предмети во морскиот отпад. Поради своето базно разградување, пластиката се акумулира во морињата, океаните и на плажите на ЕУ и во целиот свет. Пластични остатоци се наоѓаат во морските животински видови – како што се морски желки, китови и птици, но исто така и во рибите и школките, а со тоа и во синџирот на исхрана на луѓето.
