Полицијата соопшти дека извршила вонредни контроли во кои биле опфатени мотоциклисти во Тетово, Струмица, Велес, Кавадарци и Неготино.
При контролата во Тетово биле откриени 37 прекршоци, од кои девет управување без дозвола, исто толку истечена регистрација, 11 мотоциклисти управувале без заштитен шлем, а 3 со истечена осигурителна полиса. При контролата констатирани се и девет други видови прекршоци. Откриените прекршоци биле заокружени со 35 прекршочни платни налози, со 15 исклучени од сообраќај, една писмена опомена и шест покани за сообраќајна поука.
Во Струмица се откриени 24 прекршоци, за кои се издадени 24 прекршочни платни налози.
При контролите на мопеди и мотоцикли во Велес, затечени се 48 неисправни возила, согласно со Законот за сообраќај. Во Кавадарци од 35, неисправни биле 20, додека во Неготино од 24 несиправни биле шест мопеди и мотоцикли.
НАЈЧИТАНО НА ИНТЕРНЕТ...
