На 26.10.2025 во 00:50 часот, во ОВР Струга од слобода е лишен Ц.В.(17) од струшкото село Ташмаруништа. Тој, по претходна расправија со М.П.(24) од Вевчани на улицата „15 корпус“ во Струга, со нож го прободел М.П..
Повредениот, со возило на Итната медицинска помош од Струга е пренесен во Општата болница во Струга, каде му биле констатирани тешки телесни повреди. По целосно документирање на настанот, ОВР Струга ќе поднесе соодветни пријави.
Братот на повреденото момче, на социјалните мрежи го покажа осомничениот и кажа дека операцијата која му била извршена на неговиот најблизок траела 9 часа.
Братот посочи дека напаѓачот бил од Ташмаруништа.
– Ноќеска со НОЖ од 30см се обиде да ГО УБИЕ БРАТ МИ (објавуваме иницијали М.П), нанесувајќи му повреди кои трајно можат да го загрозат неговото здравје и професија. Марко е опериран цели 9 саати, се вели во постот.
Квалификацијата на настанот низ медиумите е нанесување на тешки телесни повреди. НЕ. ОВА Е УБИСТВО ВО ОБИД и така треба да се процесуира, порача братот на повредениот и побара напаѓачот да заврши во ПРИТВОР, со се ножевите со кој шета по Струга.
ПОПУЛАРНО НА ИНТЕРНЕТ...
